| 細be's profile☆※☆☆Cherry & Alan's Wedd...PhotosBlogLists |  Tools  Help |
|
☆※☆☆Cherry & Alan's Wedding☆☆※☆＊＊２２ Ｊａｎｕａｒｙ ２００８＊＊ 9/17/2007 訂咗酒店房出門喇勁開心呀，又攪掂多一樣野喇。 一心都諗住ｂｏｏｋ酒店出門，又要近喎男家，車程唔要耐，又要唔貴，諗咗好耐地點都係得沙田可以考慮，但如果ｂｏｏｋ近火車站果間，貴到飛起呀，３千幾蚊一晚，間房仲要唔係好大，咁鬼貴， 諗諗吓，有間叫海澄軒都唔錯，係ｍａ ｏｎ ｓｈａｎ之嘛，唔係遠好多，之前都有睇過，當時睇２房單位，有成六百幾七百呎架，唔似酒店，有ｄ屋企ｆｅｅｌ囉，打去酒店問＄１５００，三房果隻要＄２２００，價錢平一半，本來諗住ｗａｌｋ－ｉｎ ｂｏｏｋ架喇，但係ｙａｈｏｏ ｓｅａｒｃｈ尼間野時，有個好心ｂｌｏｇ民覆我，原來去信和ｂｏｏｋ平好多呀。 星期日行街諗住問吓，我同間ａｇｅｎｔ講要海境，咁個姐姐話３房一定有海，單位面積有成千幾呎架，好啦，幾錢先，貴我又唔滯架喇，嘩嘩嘩，平到你唔信呀～＄８００咋～ 即刻俾錢啦～阿姐仲好好人咁話幫我地寫低結婚用，等酒店安排俾個靚ｄ的房號喎。就算俾唔到，佢尼ｄ門面功夫做到咁足，我都開心啦。 8/8/2007 家長日如果你要我選結婚過程中至至至緊張的一個環節，我一定投見家長一票。 尼個超勁驚的活動終於係星期二順利舉行咗。真係柯厘吉帝呀。
話說約尼個活動都約咗一排，要就大家時間嘛，活動的地點當然係酒樓啦（但點解大多數人都會係酒樓飲住 唔通講唔掂數果時反枱快ｄ，又或者貪酒樓夠嘈，嗌交唔多覺
謝天謝地，尼餐茶都冇問題，傾吓閒計咁，係咁ｅ講吓過大禮ｄ野，講完同冇講其實都應該冇乜分別囉，咪又係個句，＜我地大家都唔識，一切從簡得架喇＞ 阿媽仲爆咗我ｄ野俾人地知呀，好在唔係衰野啫。 不過人地阿爸俾壓力我地呀～我唔制架！！你係佢個仔，你頂住呀，我．．．．．．有心冇力呀。 7/7/2007 新天地影相7月5日~~影相全程我都超好彩呀，點解．．．慢慢睇啦。
約咗９：４５影相，一早起身，作死囉．．．駛唔駛咁緊張呀，一早起身就 出到去等咗一陣ｔ．ｓｏ幫我化妝，佢真係好好人呀，勁細心，化咗好鬼耐呀，我對眼係好好好難化架，佢都可以攪到我好精靈（現場睇係囉，影出黎係點就唔知喇）我隔離果ｄ走晒我都未得呀，我仲要聽到佢地ｃａｌｌ話＜ｔ．ｓｏ １１：３０ｊｏｂ到＞我就心諗，吓．．乜咁晏架喇，我仲未ｓｅｔ好個頭喎） 化好之後我終於見到阿ｌａｍ喇，仲有一個助手，（ｌａｍ介紹尼個人時話，佢其實係一個攝影師黎架，但人手問題所以佢幫住我地先）即係話我有２個攝影師囉～嘩～～我好威呀！
首先上咗去茶坐果度影，得我地一ｐａｉｒ係度咋，仲好好 影完之後，開始有雨，但我換完衫之後冇雨喎，我地咪影教堂果ｄ室外境囉，影影吓順路又走咗去室內，一入去咋，出面就倒水咁喇。 影影吓ｌａｍ俾人叫咗出去，我仲以為要ｓｈａｒｅ攝影師，所以俾人ｃａｌｌ走左添，點知佢返入黎就到助手走喎，我見得番ｌａｍ，我就問喇．．．． 我：ｅ．．點解得你番一個？ 攝：係呀，佢有野做 。 我：哦，咁即係得你一個幫我囉？咁咪好辛苦？ 攝：（笑咗一笑）其實我今日係放假架，但我番咗黎影，咁咪唔夠人囉，我地偏人數返工係啱啱好架，咁我返黎，咪即係多咗個人，又即係等於少咗一個人囉。 我：（冇出聲，但心諗，咁我都幾好彩喎，你放假都特登返黎同我影，因為我之前落ｂｏｏｋｉｎｇ係ｍａｒｋ阿ｌａｍ影架，，所以我都唔係好明點解佢會咁）新天地不嬲做法都唔會應承實你一定係俾ｍａｒｋ果過你，佢地只有答你盡量安排。 又影咗一輪之後，我地就影埋室外果ｄ，之後又去影室內，仲之就走圍走啦。 又唔知點解，我影邊間房都只係得我地一ｐａｉｒ，但我見其他人係要ｓｈａｒｅ房架～ 阿ｌａｍ真係好好心機架，佢同我地影一張相的時間，等於人地影３張的時間，所以我覺得佢好細心囉。仲同我地係咪講野。
今日的好彩係 １．所有落雨的時間我都係影緊室內 ２．阿ｌａｍ本來今日放假，但唔知點解會返咗黎同我影 ３．朝早有個攝影師做我助手 ４．本來得３個造型（２婚紗，１民族）但我居然多咗一個造型喎（有３婚紗造型呀） ５．今日有好多唔同嘅助手ｓｅｒｖｅ我，個個都好好人
其實整個新天地影相之行，我都真係１０級好彩 首先落單我撞到個好好人的ｓａｌｅｓ，可能佢高級ｄ啦，所以好多野都可以鬆手少少俾我。 跟住試衫果日，我又玩得好開心啦 到今日影相，又係超級好彩。 唔知揀相果日好運會唔會仲係咁跟住我呢?
我覺得今日好開心呀，阿ｂｅ又好合作喎，見到佢熱成咁，我都有少少鄧佢辛苦，不過冇法啦，頂住呀～ 如果ｄ相唔靚，我諗都只會係我表現得唔好。 佢又要人見牙笑，我覺得會唔靚架，希望冇事啦。 5/9/2007 新天地影相
4/17/2007 睇排版～激到嘖火
4/16/2007 首次聚會
3/28/2007 婚前檢查
3/26/2007 影相喇
影相前一天
3/12/2007 台灣之旅前哨戰
試妝
3/1/2007 婚前的情人節
1/22/2007 開張大吉
預祝
1/18/2007 公仔衫
試著
1/16/2007 婚紗相＠預習篇～～ｐａｒｔ ２
婚紗相＠預習篇～～ｐａｒｔ １
豬＝你
1/15/2007 睇介指
ｂｏｏｋ攝影
1/12/2007 擇日
俾你威番次
1/11/2007 日漸長大
|
|
|||||||||||||||||||||||||
|
|
